اسكريبت بقلم رحمة طارق

بت مش أنا كلت معملتليش الشاي لية 
هو أنا مكتوب على قورتي شاي
اه دا أنتي بستظرفي بقي ماشي مفيش نزول النهاردة. 
زين متهزرش وحيات أمك. 
شوح بأيده بلا هزار بلا قرف على دماغك ومفيش نزول.
خلاص والله هعملك الشاي.
لا مش عاوز من وشك حاجة اصلا. 
وهكويلك قميصين.
قولت لا ولا حتى عاوز تغسليلي التيشيرت الأزرق.
ماشي هغسله.
ولا حتى عاوز المج بتاعك الاسود.
خده منك لله.
بنت عمي الجميلة ترجعي قبل ستة علشان تعرفي إن قلبي طيب بس.
ماشي تمام .. لحظة .. ستة أية ! الساعة خمسة ونص.
يبقى الوقت أتأخر ومفيش نزول اقعدي بقي.
قعدت في أوضتي باكل في نفسي كان يوم اسود يوم ما امي ومرات عمي حملوا وولدوا في نفس الوقت علشان يبقى ليا أخ بالعافية اصل مينفعش أحب اخويا يعني حسبي الله ونعم الوكيل في دي عيلة.
بتضحكي! 
بتحبي فيه أية دا بس 
حنيته.
دا لسه متخانق معاكي امبارح على سندوتش جبنة.
احم ماشي دا جود بوي خلينا في قلبه الأبيض.
وبالنسبة للذلل الي ماسكها عليكي والبنات الي بيعرفها كل يوم
يبقى باد بوي هذا هو ذوقي. 
دا مفيهوش حاجة عدلة يا بنتي. 
حسبي الله ونعم الوكيل في اختياراتي.. القمر الحقي دا جاي علينا اتفرجي على الرومانسية بقي.
بتتمرقعي دا كله في اية 
بصيت لاسماء بأسف منك لله يا بعيد. 
طب بعد اذنكم

بقي يا جماعة.
مشيت فحطيت ايدي في وسطي ورفعت حاجبي.
بت اتعدلي في وقفتك علشان ممدش ايدي عليكي.
وانت تقدر اصلا
نتراهن 
اتعدلت أية الي عملته قدام اسماء دا 
هي اسمها اسماء اسم حلو تحسيها فعلا اسماء في نفسها. 
أحيه انت بتعاكسها في وشي كمان 
اعاكسها في ظهرك يعني ترضيهالي 
اوعي يا زين من وشي أنا مروحة. 
طب خدي ال 200 جنية دول روقي على نفسك بيهم.
وأية المناسبة 
مفيش لقيت معايا فلوس قولت بنت عمي الجميلة أولى بيهم و..
أيوة أنا عاوزة أعرف بعد ال و.. دي أية 
وأكونت أسماء ييجي. 
اوعى من وشي بجد علشان مقلبش عليك اوعى.
انت اتقمصتي لية طيب طب خدي نتفاهم.
فضلت راحة جاية بقلق فسابت كوباية الشاي وبصتلي.
خير يا مصيبة حياتي 
ماما هو زين اتأخر لية 
ميتأخر عادي دا راجل.
عضيت ايدي صح دا راجل والراجل بيعمل الي هو عاوزه يا ترى مع مين دلوقتي بس 
أية يا هبلة في عز البرد دا. 
عندك حق تفتكري في الصيف ممكن 
ضحكت متتقلي شوية فضحتي نفسك يا هبلة وفضحتيني بدلقتك عليه.
شهقت هو انتوا كلكم عارفين 
مسم هو فيه حد عايش على الكوكب مش عارف انك بتحبيه.
اومال هو جحش في نفسه لية ومش واخد باله 
مانا بقولك علشان مدلوقة عليه البت الواعية تتقل ترمي نظرة تجر رجل لكن مفيش حد بيكوي شربات غيرك يا خيبة امك.
هو بيحبها مكوية يا ماما.
أشق هدومي منك! 
اعمل أية طيب مش بعرف ارفضله طلب.
اتعلمى ترفضي عارفة ابوكي دا كان بيجري ورايا في كل مكان علشان بس نظرة ومش بيطولها وانتي يا خيبة منين ما يروح يلقيكي في ديله.
خلاص يا ماما كفاية سديتي نفسي عن الحب.
هو انا بقولك متحبيهوش أنا بقولك خليه هو يبدأ يحبك.
طب.. طب اعمل أية 
وهتسمعي الكلام 
هحاول.
رحمة.
خلاص هسمع والله قولي. 
اسمعي بقي الكلمتين دول ونفذيهم بالحرف ولو مجاش قدامك واتوتر وداخ من كلمة بحبك مبقاش أنا أمك على حق.
قعدت فوق السطح في مكانا المفضل ومسكت كوباية الشاي بقلق يا ترى هيطلع فعلا ولا لا.
يعني عاملة لنفسك كوباية الشاي ونسياني أه منك ياأم قلب قاسي. 
ابتسمت في نفسي وبصيت بعيد الله عليكي يا ماما وعلى توقعاتك القمر.
أيوة مش بتردي لية يعني 
عاوز اية يا زين 
انزلي اعمليلي شاي زيك.
اعمل لنفسك.
اعمل لنفسي ! دا انت قلبك مات بقي طب هاتي كوباية الشاي بتاعك.
حطبتها جنبه اتفضل. 
عادي كدا 
مش كنت عاوزاها خلاص خودها.
في اية يا رحمة 
مفيش حاجة. 
لا مفيش دي تقوليها لصاحبتك أنا اخوكي يابت يعني تردي عدل.
فلقت أمي بأخويا دي والله ماشي انت الي جبته لنفسك.
قلت مفيش يعني مفيش مش كل حاجة هتتدخل فيها غصب عني بعد اذنك.
نزلت الشقة وقفلت الباب وانا بضحك أنا وأنت والزمن طويل يا سي زين قال هاتي أكونت أسماء قال.
أنت فين 
في الكلية
في الكلية ! ومن امتى وانت بتنزلي من غير ما تقوليلي 
وانا عدمت ابويا علشان اقولك ولا أية 
أنت بتعلي صوتك لية 
لاني حرة.
هيتجنن بقى عصبي طول الوقت وبيتخانق معايا كتير أنا فاهمة شعوره كويس فكرة أن حد يكون داخل حياة حد وعارف كل تفاصيله وفجأة الطرف التاني يطرده منه ويقوله لأ كفاية كدا فكرة مؤلمة.. بس هو لازم يفوق وانا لازم أعرف أنا في قلبه ولا لا.
أية القرف الي أنت لابساه دا 
ربنا يسد نفسك عن الدنيا زي ما انت سادد نفسي دايما. 
قرف ! انا فستاني قرف! 
من امتى اصلا وانتي بتلبسي فساتين 
من دلوقتي لبستها من دلوقتي يا زين.
يتقلع حالا.
انت قليل الادب.
قصدي يتغير يعني انتي فاهمة قصدي ولا أي كلمة دماغك بتسرح لبعيد.
كمان ! كمان بتعك أكتر.
خلصنا يا رحمة اطلعي غيري وانا هستناكي هنا نروح الكلية سوا.
لا مش هغير ولا همشي معاك في حته ولا فاكرني العيلة الصغيرة الي مش بتعرف تعدي الطريق لوحدها. 
يعني أنت مش هتغيري ولا هتمشي معايا 
أيوة
اخر كلام 
وعمري عمري عمري ما همشي معاك تاني.
تمام اتفضلي روحي الكلية يلا.
أية ! 
اتفضلي امشي لوحدك مش أنتي مش عاوزة تمشي معايا خلاص امشي لوحدك يلا.
خرجت من العمارة ومشيت كام خطوة وبعدين وقفت مكاني أيوة يعني ارجع ولا أكمل يعني ولا..
هتفضلي