الفلاش بوابه الحقيفه ج2 شروق خالد

قال بهدوء
دي النواة.
آسر بص له
نواة إيه؟!
الجد رد
النظام اللي بيشغّل كل حاجة وبيقرر مين يعيش ومين يختفي.
دعاء همست بصدمة
يعني إحنا مجرد أرقام؟
الكيان رد مباشرة
أكتر من كده أنتم احتمالات.
مروان فجأة مد إيده ناحية الشكل.
دعاء صرخت
لا!
لكن مفيش حاجة حصلت.
الكيان سكت لحظة.
الطفل ده مختلف.
آسر بص له بسرعة
ابعد عنه!
لكن الكيان قال
هو مش مهدد هو تعديل.
الجد شد عينه
اتأخرتوا في السيطرة عليه.
دعاء ارتبكت
سيطرة؟ ! على ابني؟!
الصوت رد
هو أول نسخة قادرة تتجاوز النظام.
آسر فهم أخيرًا
إنتوا بتخلقوا ناس؟
الكيان رد
إحنا بنعيد ضبط الواقع.
سكت لحظة.
وإنتي يا دعاء خلل في النظام.
دعاء ضحكت ضحكة قصيرة من الصدمة
أنا؟!
اختياراتك غير متوقعة بتكسر النمط.
الجد بص لها بحزن
عشان كده اختارك.
آسر قال بحدة
وليه دلوقتي؟
الكيان رد
لأن الفلاش اكتمل.
وفجأة
الفلاش اللي في إيدها اشتغل لوحده.
بس المرة دي مش بيعرض ملفات.
كان بيعرض حياتها.
كل لحظة.
كل قرار.
كل هروب.
دعاء اتجمدت وهي بتشوف نفسها من بره.
الكيان قال
إنتي وصلتي للنقطة اللي لازم نقرر فيها نعيدك أو نمسحك.
سلمى بدأت تعيط
ماما أنا مش فاهمة حاجة!
دعاء بصت قدامها.
وبصت لمروان.
وبعدين لآسر.
وبعدين للجد.
وقالت بصوت ثابت لأول مرة وسط الجنون ده كله
أنا مش هتتحذف.
سكون.
الكيان
ليه؟
دعاء ردت
عشان أنا مش احتمال.
آسر بص لها بصدمة.
الجد ابتسم.
ومروان بص لها لأول مرة بوضوح كأنه فاهم.
الكيان سكت.
ولأول مرة
الصوت كان أقل يقين
إذن هتثبتِ ذلك.
الفراغ بدأ يهتز.
دعاء حست إن الأرض بتتكوّن تحت رجليها من جديد.
آسر مسك إيدها بسرعة
إيه اللي بيحصل؟!
الجد قال بهدوء
اختبار.
دعاء همست
اختبار لإيه؟
الكيان رد
هل الإنسان يقدر يكسر النظام ولا هيتعاد تشكيله.
وفجأة
كل حاجة بدأت تنهار تاني.
بس المرة دي
دعاء كانت واقفة.
مش بتهرب.
مش بتقع.
ماسكة عيالها.
وبتبص لقدام.
وآخر صوت سمعته قبل ما كل شيء يختفي
نبدأ من جديد أو ننتهي للأبد.
والقرار
لسه في إيدها.
الفلاش بوابه الحقيفه
شروق خالد